Shkëputja e kontratës së Telekomit me Devollët, flet kryeministri Haradinaj

Shkëputja e kontratës së Telekomit me Devollët, flet kryeministri Haradinaj

Një ditë pas lajmit se Telekomi do ta shkëpusë marrëveshjen me Z-Mobile, këtë vendim e ka komentuar pas mbledhjes së Qeverisë kryeministri Ramush Haradinaj.

I pari i Qeverisë duke folur për këtë temë, tha se është shprehur që nga fillimi se kushdo që është përgjegjës për situatën në Telekom do të japë përgjegjësi.

“Shikoni, unë nuk marr vendime në Telekom, por jam shprehë shumë hapur se do të jetë gjithkush përgjegjës. Nuk ka amnisti as falje për askënd”, tha kryeministri.

Tutje, Haradinaj shtoi se krejt qëllimi i kësaj është ruajtja e kompanisë nga falimentimi.

“Nuk e kam qëllim bankrotimin apo mosfunksionimin e Telekomit po ruajtjen nga veprimet që e bankrotojnë. Ata duhet të bëjnë kujdes shumë në veprimet e veta”, përfundoi ai.

Ndryshe, dje në protestën e sindikatës së PTK-së, kryeshefi ekzekutiv i Telekomit, Bedri Istrefi, bëri të ditur se është marrë vendim për shkëputje të kontratës me kompaninë e udhëhequr nga Devollët. Gazeta Express.

COMMENTS

WORDPRESS: 0
DISQUS: 0