Protesta e serbëve: Eskalon situata në Shtërpcë, ka të lënduar

Protesta e serbëve: Eskalon situata në Shtërpcë, ka të lënduar

Pjesëtarët e Policisë së Kosovës u detyruan të përdorin sprej kundër qytetarëve serbë të Komunës së Shtërpcës, të cilët u përpoqën të ndalonin ekskavatorin për ndërtimin e një mini hidrocentrali, shkruajnë mediat serbe.

Raportohet se 20 persona kanë mbetur të lënduar.

Kjo protestë e cila thuhet se po bëhet për t’i mbrojtur malet e Sharrit dhe për të ndaluar shkatërrimin e tyre nga ekskavatorët, ka dy muaj që po vazhdon, mirëpo gjatë ditës së sotme ka eskaluar.

Lajmi është konfirmuar edhe nga Policia e Kosovës të cilët kanë thënë se ndaj banorëve serbë është përdorur vetëm sprej dhe asnjëherë dhuna, siç po raportojnë mediat serbe.

“Edhe pse policia i ka informuar dhe urdhëruar protestuesit që të mos pengojnë punimet dhe të largohen, ata nuk i kanë zbatuar urdhrat. Me këtë rast, policia ka përdorur sprej dhe protestuesit janë shpërndarë duke liruar rrugën”, thuhet në njoftimin e policisë.

Policia njofton se në bashkëpunim me zyrtarët komunalë dhe përfaqësuesit e protestuesve është dakorduar një takim i përbashkët ditëve në vijim lidhur me kërkesat e tyre.

COMMENTS

WORDPRESS: 0
DISQUS: 0