Numri i personave që u arrestuan në Karaçevë dhe çfarë konfiskoi policia

Numri i personave që u arrestuan në Karaçevë dhe çfarë konfiskoi policia

Aksioni i Policisë së Kosovës në bashkëpunim me Prokurorinë Themelore të Gjilanit për luftimin e dukurive ilegale në Karaçevë të Kamenicës është në përfundim e sipër, merr vesh Gazeta Express nga burime të besueshme të veta. Sipas këtyre burimeve deri më tani në këtë zonë janë rrënuar rrafshë me tokë tri kazino, dy persona janë prangosur dhe është bërë konfiskimi i një numri të konsiderueshëm të aparateve të lojërave të fatit. Po ashtu janë identifikuar edhe persona tjerë që dyshohet se janë të përfshirë në këtë rast.

Organet e rendit po vazhdojnë të ndërhyjnë në zhvillimin e dukurive ilegale në Karaçevë të Kamenicës, policia ka konfirmuar se aksioni ka nisur mëngjesin e sotëm.

Ministri i Punëve të Brendshme, Xhelal Sveçla, ka publikuar pamje nga ky aksion të cilin e ka quajtur të suksesshëm, teksa ka thënë se sot është goditur rrjeti i kazinove ilegale në Karaçevë.

“Pas konfiskimit të aparatave për lojërat e bixhozit, u rrënuan objektet e ndërtuara ilegale si dhe arrestimet e personave të përfshirë në këtë aktivitet kriminal po vazhdojnë edhe në këto momente”, shkruan Sveçla ndër të tjera në Facebook,

COMMENTS

WORDPRESS: 0
DISQUS: 0