Haradinaj pas takimit me Hotin: Krijimi i Qeverisë nuk vonohet më shumë se një javë

Haradinaj pas takimit me Hotin: Krijimi i Qeverisë nuk vonohet më shumë se një javë

Kryetari i AAK’së, Ramush Haradinaj ka zhvilluar një takim në ambientet e Kuvendit të Kosovës me me të mandatuarin e LDK’së për Kryeministër, Avdullah Hoti.

Haradinaj ka thënë se nënshkrimi për koalicion qeverisës mund të ndodhë brenda pak ditëve.

“Mendoj se mund të ndodhë brenda disa ditësh nuk mund të marrë më shumë se një javë. Ai ka thënë se nuk do të marrë ndonjë post brenda qeverisë”, u shpreh ai.

Kryetari i AAK’së pas takimit ka thënë se me të mandatuarin e LDK’së ka biseduar për bashkëpunimin në qeveri dhe përkrahjen e Aleancës.

“Zoti Hoti më informoi se ka marrë besimin e partisë për t’u mandatuar për Kryeministër dhe ka shprehur bashkëpunimin dhe shprehi gatishmërinë që të bashkëpunojmë në një qeveri. Aleanca e jep përkrahjen dhe do ta përkrahim. Janë procedurat kushtetuese të mandatimit, pastaj përgatitja e një qeverie. Ende s’kemi arritur aty por ky ishte një konfirmim politik”, ka thënë Haradinaj.

Haradinaj ka thënë se nuk është biseduar për ministritë vetëm është diskutuar që është e rëndësishme të mos rritet numri i ministrive.

“Ende nuk është biseduar për ministritë, mendoj që është e rëndësishme mos me e rritë numrin e ministrave, zv.ministrave.”, ka thënë ai.

COMMENTS

WORDPRESS: 0
DISQUS: