Vazhdojnë shpenzimet e luksit, MTI-ja blen kostume për punëtorët e saj

Vazhdojnë shpenzimet e luksit, MTI-ja blen kostume për punëtorët e saj

Katër kostume të meshkujve ka blerë për punëtorët e saj Ministria e Tregtisë dhe Industrisë.

MTI-ja ka shpenzuar 977 euro të taksapaguesve për t’i veshur punëtorët e saj, raporton KTV.

Ministria, më 25 mars ka nënshkruar kontratë me kompaninë “Melodia” për “furnizim me veshmbathje”.

Rregullorja e Ministrisë numër 01/2016 për uniformat dhe përdorimin e tyre nga inspektorët e tregut, përcakton se furnizimi me uniforma bëhet përmes procedurave të prokurimit publik.

Mirëpo, ministri i MTI-së, Endrit Shala ka thënë se nuk ka informacione se kush do t’i veshë kostumet e blera.

Televizioni ka dërguar edhe pyetje në adresë të ministrisë për të kuptuar se kush do t’i shfrytëzojë kostumet, mirëpo nuk ka marrë përgjigje.

Edhe Komuna e Ranillugut ka shpenzuar 970 euro për të furnizuar punëtorë të saj me rroba.

Ndërsa, ditë më parë, Zyra e Presidentit ka blerë set kozmetike për nevojat e saj në vlerë 960 euro.

COMMENTS

DISQUS: 0