Suedia merr vendim që të vazhdojë përkrahjen në fushën e tatimit në pronë

Suedia merr vendim që të vazhdojë përkrahjen në fushën e tatimit në pronë

Në një komunikatë të lëshuar nga Ministria e Financave thuhet se Ministri Hamza sot ka pritur në takim Anders Wollter, i ngarkuar me punën e Ambasadorit të Suedisë në Kosovë.

Ndër temat kryesore e diskutimit ishte ajo për projektin “Protax2”, përmes të cilit shteti suedez ka përkrahur Kosovën në ngritjen e kapaciteteve në fushën e tatimit në pronë. Përfaqësuesi suedez me këtë rast ka dhënë një lajm të mirë ku sipas të cilit shteti Suedez “ka marrë vendim për nënshkrimin e Marrrëveshjes që përmes SIDA-s dhe Agjencionit të Taksave të Suedisë të vazhdojë projektin për Kosovën ” Protax2” deri në vitin 2020”.

Komunikata e plotë:
Ministri i Financave Bedri Hamza ka pritur sot në takim të ngarkuarin me punën e ambasadorit të Mbretërisë së Suedisë për Kosovën Anders Wollter, ku diskutuan për thellimin e bashkëpunimit ndërmjet dy vendeve, në veçanti në fushën e financave dhe regjistrimit të pronave.

Me këtë rast, Ministri Hamza e falënderoi z.Anders Wollter për ndihmën dhe kontributin e tij dhe të shtetit Suedez që kanë dhënë dhe vazhdojnë të japin për institucionet e Kosovës, për projekte që finacohen nga shteti suedez, në veçanti për projetin ”Protax2” që është në kuadër të Departamentit të Tatimit në Pronë në Ministrinë e Financave, si dhe e njoftoi ate edhe me procesin e përfundimit të miratimit të Ligjit të ri të tatimit në pronë nga Kuvendi i Kosovës si dhe për fillimin e përgatitjeve të udhëzimeve administrative që derivojnë nga Ligji për fjalë.

Ndërsa, i ngarkuari me punën e ambasadorit të Mbretërisë së Suedisë për Kosovën Anders Wollter, e falënderoi Ministrin Hamza për pritjen dhe shprehi gatishmërinë e shtetit të tij për zgjerimin e bashkëpunimit ekonomik me Kosovën. Ai gjithashtu e njoftoi ministrin se shteti Suedez ka marrë vendim për nënshkrimin e Marrrëveshjes që përmes SIDA-s dhe Agjencionit të Taksave të Suedisë të vazhdojë projektin për Kosovën ” Protax2” deri në vitin 2020, e cila Marrëveshje pritet të nënshkruhet së shpejti.

COMMENTS

WORDPRESS: 0