Sekretariati i Komunitetit të Energjisë zyrtarisht hap hetim kundër Kosovës për termocentralin “Kosova e Re”

Sekretariati i Komunitetit të Energjisë zyrtarisht hap hetim kundër Kosovës për termocentralin “Kosova e Re”

Sekretariati i Komunitetit të Energjisë ka dërguar një letër të hapur zyrtare Qeverisë së Kosovë, ku ka treguar se ka hapur hetim për termocentralin “Kosova e Re”.

“Sekretariati gjeti se aspekte të caktuara të kontratës si blerja për 20 vjet e disponueshmërisë së energjisë nën marrëveshjen për blerjen e energjisë, transferi i pronësisë, garancitë shtetërore, përjashtimi nga TVSH dhe të tjera beneficione paraqesin ndihmë shtetërore të sanksionueshme me ligj”, kanë shkruar ata në këtë letër, transmeton Koha.net.

“Duke dërguar një letër të hapur, Sekretariati inicion një procedurë preliminare, arsyeja e të cilës është dhënia e mundësisë për Kosovën që ajo të reagojë në dy muajt e ardhshëm e të mos jetë në kundërshtim me ligjet e Komunitetit Energjetik”, kanë shkruar ata.

Për këtë ka reaguar INDEP, ku kanë shkruar:

Sekretariati i Komunitetit të Energjisë me bazë në Vjenë hapë zyrtarisht hetim kundër Kosovës për shkak të termocentralit “Kosova e Re”.

Pas ankesës së INDEP, BGF, GAP, GLPS, Bankwatch Network dhe Germanwatch të prillit 2019, Sekretariati i Komunitetit të Energjisë sot ka njoftuar se ka hapur zyrtarisht procedurë kontestimore kundër Qeverisë së Kosovës duke konstatuar se ajo, me nënshkrimin e kontratës për ndërtimin e termocentralit “Kosova e Re” ka shkelur legjislacionin vendor dhe evropian për ndihmën shtetërore.

Sekretariati gjeti se aspekte të caktuara të kontratës si blerja për 20 vjet e disponueshmërisë së energjisë nën marrëveshjen për blerjen e energjisë, transferi i pronësisë, garancitë shtetërore, përjashtimi nga TVSH dhe të tjera beneficione paraqesin ndihmë shtetërore të sanksionueshme me ligj.

Kështu ndodhë kur duke injoruar thirrjet tona, Qeveria nënshkruan një kontratë të dëmshme. Në analizën e INDEP “Kontrata për Ndërtimin e Termocentralit “Kosova e Re” – Tetë Marrëveshje, Tre Impakte të Mëdha”, ne kemi argumentuar se si kjo kontratë, përveç dëmit shkatërrues financiar dhe mjedisor do të dëmtoj edhe rrugën integruese të Kosovës pasi dëmton liberalizimin e tregut dhe konkurrencën dhe favorizon përtej çdo logjike një investitor privat karrshi të tjerëve dhe në dëm të interesit publik. I bëjmë thirrje Qeverisë në ardhje që të ketë në konsideratë të gjitha faktet dhe të tërhiqet nga kjo kontratë. Me këtë do t’i hapë rrugë zhvillimit të tregut të energjisë duke duke nxitur investime të mirëfillta, mbrojtur mjedisin dhe të ardhmen evropiane të të gjithë sektorit.

COMMENTS

WORDPRESS: 0
DISQUS: