Rreth 5 mijë qytetarë kanë hequr dorë nga nënshtetësia e Kosovës këtë vit

Rreth 5 mijë qytetarë kanë hequr dorë nga nënshtetësia e Kosovës këtë vit

Nga janari deri në tetor të këtij viti nga shtetësia e Kosovës kanë hequr dorë rreth pesë mijë qytetarë, kurse shtetësinë e kanë fituar rreth 300 të tjerë. Shifra përafërsisht të njëjta të heqjes dorë nga shtetësia kanë qenë edhe në vitin e kaluar

Rreth pesë mijë persona kanë hequr dorë nga shtetësia e Kosovës në dhjetë muajt e parë të këtij viti.

Ndërkohë që numri i atyre që kanë fituar shtetësinë e Kosovës në këtë periudhë është rreth treqind, kurse vitin e kaluar numri i atyre që kanë hequr dorë nga shtetësia e Kosovës ka qenë rreth pesë mijë e shtatëqind.

“Gjatë periudhës janar-tetor 2018 nga shtetësia e Republikës së Kosovës janë liruar 4831 persona. Gjatë periudhës janar-tetor 2018 shtetësinë e RKS-së e kanë fituar 298 persona. Në vitin 2017 janë liruar nga shtetësia e RKS-së 5699 persona, kurse e kanë fituar shtetësinë e Republikës së Kosovës 334 persona”, thuhet në përgjigjen e Ministrisë së Punëve të Brendshme për gazetën “Zëri”.

Deputetë dhe analistë politikë vlerësojnë se nëse vizat nuk hiqen deri në dhjetor ky numër mund të rritet edhe më shumë.

 

COMMENTS

WORDPRESS: 0
DISQUS: 0