Qeveria nuk ka ç’tu bëjë naftëtarëve, kthehet edhe njëherë tek taksa ndaj Serbisë

Qeveria nuk ka ç’tu bëjë naftëtarëve, kthehet edhe njëherë tek taksa ndaj Serbisë

Prej sot në Kosovë nuk do të mund të hyjë pa iu nënshtruar taksës 100 përqind asnjë lloj malli nga Serbia, pavarësisht vendit të origjinës.
Këtë vendim Qeveria e Kosovës e ka marrë pas kërkesës të ministrit të Tregtisë dhe Industrisë, Endrit Shalës, në mënyrë që masa prej 100 përqind të trajtojë njëlloj të gjitha kompanitë.

Ministri Shala u shpreh se kanë sugjerim nga të gjithë miqtë që të trajtojnë në mënyrë të barabartë të gjitha kompanitë.

“MTI dëshiron që të jetë e barabartë për të gjitha kompanitë, për këtë MTI kërkon heqjen e listës, e cila do të hyjë në fuqi më 1 janar të vitit 2019”, tha ai.

Kurse, kryeministri Ramush Haradinaj tha se ajo që është e papranueshme është letra e kryeministres serbe, Ana Bernabiq, e cila kërkon që vendet që kanë njohur Kosovën të tërheqin njohjen. Sipas tij, kjo është e papranueshme.

Mirëpo me gjithë thirrjet për të bërë diçka në lidhje me çmimet e larta të naftës, Qeveria ende nuk ka ndërmarrë asnjë hap në këtë drejtim.

Me sa duket taksa ndaj Serbisë për Qeverinë Haradinaj është bërë çarçaf që mbulon secilin skandal.

COMMENTS

WORDPRESS: 0