Nuk kishin aplikuar për ndihmë, por shteti i njofton se kanë fituar subvencione mbi 1000 euro

Nuk kishin aplikuar për ndihmë, por shteti i njofton se kanë fituar subvencione mbi 1000 euro

Ardi Shita, pronar i dy bizneseve në vend, ka deklaruar se dje janë njoftuar nga Ministria e Financave se komisioni ka vendosur që bizneset e tyre t’i përkrahë me dy subvencione në vlerë mbi 1 mijë euro, ndonëse thotë se nuk kanë aplikuar për ndihma të tilla.

Por, Shita ka thënë se këto para do t’i kthejnë menjëherë në buxhet në momentin që dalin, derisa ka treguar edhe arsyet për këtë.

Ai ka thënë se janë të ofenduar me këtë veprim të shtetit, meqenëse nuk e kanë kërkuar një përkrahje të tillë. Madje, subvencionet që janë ndarë për biznese nga Qeveria Hoti i ka quajtur subvencione koti.

“Republika e Kosovës në minimum, na ka ofendu rëndë me këtë veprim, të cilin kështu ashtu nuk e kemi kërkuar asnjëherë. Biznesi NUK përkrahet me këso masa koti, mënyra më e mirë në fakt me përkrah biznesin është me na lënë të qetë me vepru. Këto subvencione koti, prej tatimeve tona, shpenzoni si gjithçka tjetër që e keni shpenzu deri sot. Na leni të qete ta zhvillojm sektorin privat, se sektorin publik e keni knaq 😡”, ka shkruar Shita.

COMMENTS

WORDPRESS: 0
DISQUS: 0