Në prag të seancës për presidentin, reagon Ambasadori i SHBA’së

Në prag të seancës për presidentin, reagon Ambasadori i SHBA’së

Ambasadori amerikan në Kosovë, Philip Kosnett, ka kërkuar nga të gjithë deputetët që të qëndrojnë në sallë, në mënyrë që të bëhet kuorumi për votimin e presidentit.

Ai këto deklarime i ka bërë nëpërmjet llogarisë së tij në ‘Twitter’, pak minuta përpara se të fillojë seanca për votimin e të parit të vendit.

“Pozicioni i qeverisë amerikane mbetet i pandryshuar. Ne mbështesim votimin e presidentit. U bëjmë thirrje të gjithë anëtarëve të Kuvendit të përmbushin përgjegjësitë e tyre ndaj popullit të Kosovës, duke marrë pjesë në votim për të siguruar kuorumin”, ka deklaruar ai.

Deklarime të ngjashme kanë bërë edhe ambasadorë të shteteve të tjera mike.

Ambasadori i Italisë në Kosovë, Nicola Orlando, ka kërkuar prezencën e të gjitha subjekteve politike në seancën që do të mbahet për votimin e presidentit.

Orlando ka kërkuar që të mos bojkotohet seanca, si dhe që të vendoset përpara interesi i shtetit përpara interesave personal.

“Siç kam thënë më parë, tash është koha që të gjitha partitë dhe deputetët të veprojnë me përgjegjësi, të vendosin interesin e vendit para gjithçkaje duke marrë pjesë në proces. Bojkotimi nuk do t’i sjellë dobi askujt”, deklaroi ai.

Seanca pritet të mbahet nga ora 18:00. 

COMMENTS

WORDPRESS: 0
DISQUS: 0