Ndahet nga jeta gazetari Ibrahim Rexhepi

Ndahet nga jeta gazetari Ibrahim Rexhepi

Në orët e para të ditës së sotme ka ndërruar jetë eksperti i ekonomisë dhe ish gazetari për shumë vjet, Ibrahim Rexhepi.

Rexhepi ka qenë ndër gazetarët më të mirë të rubrikës së ekonomisë.

Lajmi për vdekjen e gazetarit Ibrahim Rexhepi ka pikëlluar sot kolegët e tij në Kosovë. Ai u nda nga jeta në një moshë kur pritej të jepte kontributin e tij në fushën e ekonomisë, si njëri nga njohësit më të mirë të saj.

I lindur 64 vjet më parë në Slivovë të Ferizajt, ndërsa studioi në Fakultetin e atëhershëm ekonomiko – juridik të Universitetit të Prishtinës. Ende student, ai më 1976 nisi rrugëtimin në profesionin e mundimshëm të gazetarisë në Rilindje, ku punoi deri në ndalimin e saj, për të vazhduar ndërkohë në “Kohën Ditore”, ku ushtroi detyrën e kolumnistit e të redaktorit të rubrikës së ekonomisë, e pastaj edhe drejtues i emisionit për ekonomi në Kohavision.

Tash disa muaj ai ushtronte funksionin e këshilltarit për ekonomi në Ministrinë e Zhvillimit Ekonomik.

COMMENTS

WORDPRESS: 0
DISQUS: 0