Mediet botërore shkruajnë për vizitën e amerikanëve në Kosovë

Mediet botërore shkruajnë për vizitën e amerikanëve në Kosovë

Situata e fundit e krijuar me vendosjen e taksës ndaj mallrave serbe nuk po kalon pa u komentuar edhe nga mediat ndërkombëtare.
Prestigjozja amerikane “Washington Post”, i ka kushtuar një artikull vizitave të fundit të zyrtarëve amerikanë në Kosovë

“I dërguari i SHBA-ve vizitë në Kosovë për heqjen e taksës”, titullohet ky artikull i “Washington Post” në të cilin thuhet se David Hale është zyrtari i fundit amerikan që qëndroi në Kosovë për të njëjtën çështje.

“Hale ripërsëriti qëndrimin se SHBA-të dhe shtetet perëndimore do të përkrahin çfarëdo marrëveshje të arritur mes palëve”.

Duke cituar deklaratat e fundit të Haradinajt, “Washington Post” shkruan se kryeministri u ka rezistuar thirrjeve të SHBA-ve për heqjen e taksës, dhe se këtë do të bëjë vetëm kur Serbia ta njoh pavarësinë e Kosovës.

“Që nga 2011, dy vendet e ish-Jugosllavisë i kanë hyrë dialogut, në përpjekje të zgjidhjes së konfliktit të gjatë. Brukseli ua ka bërë me dije të dy vendeve se duhet t’i normalizojnë raportet e tyre para anëtarësimit në bllok”, shkruan më tej Washington Post.

Në lidhje me vizitat e zyrtarëve amerikanë kanë raportuar edhe mediat tjera botërore, duke përfshirë edhe agjencinë e lajmeve “Associated Press”.

Lexo më shumë në: https://www.gazetaexpress.com/lajme/mediet-boterore-shkruajne-per-viziten-e-amerikaneve-ne-kosove-634132/?utm_source=referral&utm_medium=web&utm_campaign=copyright

COMMENTS

WORDPRESS: 0
DISQUS: 0