Mbi 400 amandamete pritet të votohen në seancën e sotme të Kuvendit

Mbi 400 amandamete pritet të votohen në seancën e sotme të Kuvendit

Në seancën e sotme të Kuvendit të Kosovës pritet të votohen disa ligje të rëndësishme, përfshirë këtu projektligjin për pagat në sektorin publik, projektligji për zyrtarët publik dhe projektligji për detyrat dhe përgjegjësitë e delagacionit shtetëror në procesin e dialogut me Serbinë.

Ndërsa projektligji për buxhetin është në pikën e 7-të  të rendit të ditës.

Deputetja e Vetëvendosjes, Albulena Haxhiu ka kërkuar që çdo amandament i projektligjeve të votohen një nga një dhe në formë elektronike.

Procedurat e votimit të amandameteve të ligjeve përmes formës elektronike, marrin kohë.

Projektligji për organizimin dhe funksionimin e Administratës Shtetërore dhe të Agjencive të Pavarura numëron 65 amandamente.

Ndërsa sipas shefit të grupit parlamentar të PDK-së, Memli Krasniqi në këto 9 pika të rendit të ditës, janë mbi 400 amandamente në total.

Ai ka kërkuar që në amandamentet që nuk ka një qëndrim të njëjtë të votohet një nga një, ndërsa në rastet e tjera ku ka qëndrim unanim të votohet në tërësi, për shkak të kohës.

Nëse deputetët do të kërkojnë fjalën, atëherë seanca pritet të zgjatë dhe nuk dihet nëse do të votohet sot për buxhetin e shtetit.

Ky është rendi i ditës i seancës së stome plenare

-Shqyrtimi i dytë i Projektligjit për organizimin dhe funksionimin e Administratës

-Shtetërore dhe të Agjencive të Pavarura,

-Shqyrtimi i dytë i Projektligjit për zyrtarët publik,

-Shqyrtimi i dytë i Projektligjit për pagat në sektorin publik,

-Shqyrtimi i parë i Projektligjit për detyrat, përgjegjësitë dhe kompetencat e Delegacionit

-Shtetërorë të Republikës së Kosovës në procesin e dialogut me Republikën e Serbisë,

-Shqyrtimi i parë i Projektligjit për ndryshimin dhe plotësimin e Ligjit nr.03/L-174 për financimin e subjekteve politike, të ndryshuar dhe plotësuar me Ligjin nr. 04/L-058 dhe Ligjin nr. 04/L-122 si dhe Ligjin nr. 03/L-073 për zgjedhje të përgjithshme në Republikën e Kosovës i ndryshuar dhe plotësuar me Ligjin nr. 03/L-256,

-Propozimi për formimin e Komisionit Ad Hoc për përpilimin e Kodit për rregullimin dhe menaxhimin e fushës së pensioneve dhe beneficioneve nga sigurimi social,
Shqyrtimi i dytë i Projektligjit mbi ndarjen buxhetore për Buxhetin e Republikës së Kosovës për vitin 2019,

-Shqyrtimi i Propozim-vendimit të Qeverisë së Republikës së Kosovës për zgjatjen e ndarjeve buxhetore për muajin shkurt të vitit 2019, të përcaktuar me Ligjin nr.06/L-20 për Buxhetin e Republikës së Kosovës për vitin 2018,

-Shqyrtimi i Propozim-Statutit të Shoqërisë Aksionare “Trepça” Sh.A.

COMMENTS

WORDPRESS: 0
DISQUS: 0