Këto janë kontrata të jashtëligjshme të Ministrisë së Infrastrukturës

Këto janë kontrata të jashtëligjshme të Ministrisë së Infrastrukturës

Ministria e Infrastrukturës ka pesë vjet që ua vazhdon kontratat mbi vepër pa ndërprerë disa ekzaminuesve për patentë të shoferit ndonëse një gjë e tillë është në kundërshtim me ligjin. Sipas Ligjit për Shërbyesit Civilë, i cili vazhdon të jetë në fuqi, një person që ka kontratë për shërbime të veçanta nuk mund ta vazhdojë punën më shumë se 6 muaj brenda një viti, shkruan sot gazeta Zeri

Me Ligjin për Zyrtarët Publikë, i cili hyri në fuqi më 11 shtator të këtij viti dhe që u pezullua ditë më parë, shumë ekzaminuesve për patentë të shoferit u janë shkëputur kontratat, gjë që ka rezultuar me mosmbajtjen e provimeve praktike për kandidatët për shoferë për gati një muaj.

Mirëpo shumë prej këtyre ekzaminuesve, të cilëve tashmë u janë vazhduar kontratat dhe të cilët parashihen t’i testojnë kandidatët për leje të vozitjes, kanë operuar me kontrata mbi vepër për vite të tëra. Gazeta “Zëri” merr vesh se nga Ministria e Infrastrukturës këtyre ekzaminuesve u janë vazhduar kontrata mbi vepër çdo 3 e 6 muaj pa ndërprerë, kështu duke shkuar deri në 5 vjet.

COMMENTS

WORDPRESS: 0