Haradinaj: Transformimi i FSK-së mund të bëhet edhe me ligj

Kryeministri Ramush Haradinaj, ka thënë se nëse ushtria nuk formohet përmes ndryshimeve kushtetuese, ajo do të mund bëhet përmes ligjit.

Këtë deklaratë Haradinaj e ka dhënë  pas takimit prezantues për arritjet dhe planet në sigurinë e Kosovës, me theks të veçantë për FSK-në, me ambasadorët e akredituar në Kosovë.

“Tani jam thellë i bindur nëse jo përmes bazës kushtetuese, përmes bazës së ndryshimeve ligjore do të ndodhë transformimi i FSK-së. Mendojmë që ka ardhur koha të ecim përpara”,tha Haradinaj.