“Hajnat hynë me forcë në objekt”, si u krye vjedhja e kasafortës në AUV?

“Hajnat hynë me forcë në objekt”, si u krye vjedhja e kasafortës në AUV?

Policia e Kosovës në raportin 24 orësh ka dhënë detaje shtesë për vjedhjen e kasafortës në Agjencinë e Ushqimit dhe Veterinarisë.

Siç shkruhet në raport, në këtë ngjarje dyshohet se kanë qenë të përfshirë disa persona.

Policia thotë se ata kanë depërtuar me forcë në objekte, me ç’rast kanë kryer vjedhjen.

Në vendin e ngjarjes kanë dalë njësitë policore relevante. Në lidhje me rastin është konsultuar prokurori i shtetit.

“Rr. “Nënë Tereza”, Fushë Kosovë 22.10.2020 – 03:00. Raportohet se persona të dyshuar kanë depërtuar me forcë në objekte, me  ç’rast kanë kryer vjedhjen. Në vendin e ngjarjes kanë dalë njësitë policore relevante. Në lidhje me rastin është konsultuar prokurori i shtetit”, thuhet në raportin e Policisë.

Në AUV raportohet ndërkaq se është vjedhur një kasafortë, brenda së cilës ka pasur dokumente dhe para.

COMMENTS

WORDPRESS: 0
DISQUS: 0