Grabitje me armë në një bankë në Shtime

Grabitje me armë në një bankë në Shtime

Një grabitje me armë ka ndodhur sot në një bankë në Shtime.

Sipas njoftimit të Policisë, grabitja ka ndodhur rreth orës 08:15, në rrugën “Tahir Sinani”, ku në lokalet e një banke kanë hyrë katër persona të armatosur me armë të gjata dhe nën kërcënimin e armës nga punëtorja kanë kërkuar që ti dorëzoj paratë nga arka, shuma e të cilave nuk dihet për momentin.

Me këtë rast ka pasur edhe shkrepje arme në ajër nga ana e një të dyshuari por nuk ka persona të lënduar.

Policia thotë se të dyshuarit janë larguar nga vendi i ngjarjes me automjet kombi, ku gjatë ndjekjes të të dyshuarve ka pasur gjuajtje me armë nga ana e të dyshuarve në drejtim të automjetit të policisë,por nuk ka pasur të lënduar.

“Janë duke u marrë të gjitha veprimet policore për identifikimin e personave të dyshuar dhe arrestimin e tyre”, thuhet në njoftim.

COMMENTS

WORDPRESS: 0