Deputetët që iu bashkuan Qeverisë në dialog, sot tre vjet me gaz lotsjellës kundërshtonin atë

Deputetët që iu bashkuan Qeverisë në dialog, sot tre vjet me gaz lotsjellës kundërshtonin atë

Tre vjet më parë, Qeverinë që udhëhiqej nga LDK-ja e PDK-ja me disa parti të vogla, partitë e atëhershme opozitare, Vetëvendosje, AAK-ja e Nisma, patën vendosur ta kundërshtonin në çdo formë, e madje edhe me gaz lotsjellës, në rast se tentonte të votonte Asociacionin e komunave me shumicë serbe dhe demarkacionin me Malin e Zi, por jo vetëm.

E si për ironi, tre vjet më pas, AAK-ja udhëheq me Qeverinë, ndërsa një pjesë e deputetëve atëherë të Vetëvendosjes, tashmë i janë bashkuar Partisë Socialdemokrate dhe po akuzohen nga opozita, LDK e VV, se po ia zgjatin jetën Qeverisë Haradinaj.

Janë pikërisht deputetët e PSD-së që, të cilët si pjesë e VV-së 3 vjet më parë ishin ndër më të zëshmit kundër Qeverisë Mustafa, kanë iniciuar një projekt-rezolutë për dialogun me Serbinë e cila pak orë më parë edhe mori votat e nevojshme në Kuvendin e Kosovës për miratim. Përmes saj, deputetë të PSD-së, bashkë me partitë në pushtet, AAK-në, PDK-në e Nismën, do të formojnë një ekip dialogues.

COMMENTS

WORDPRESS: 0
DISQUS: 0