Arrestohet kryesuesi i Bordit të Drejtorëve të Trafikut Urban

Arrestohet kryesuesi i Bordit të Drejtorëve të Trafikut Urban

Policia e Kosovës ka arrestuar 38 vjeçarin Ruhan Beha, Kryesuesin e Bordit të Drejtorëve të Trafikut Urban, nën dyshimin se ka ndikuar tek vartësit e tij për ta punësuar një person.

Policia e ka konfirmuar rastin, duke thënë se personi po dyshohet për keqpërdorim të pozitës apo autoritetit zyrtar.

“Sot, më 13.02.2020, pas hetimeve paraprake, nën dyshimin për përfshirje në veprat penale: “Keqpërdorim i pozitës apo autoritetit zyrtar” dhe “Ushtrim i ndikimit”, hetuesit policorë kanë arrestuar të dyshuarin: R.B., viti i lindjes 1982, mashkull kosovar, (Kryesuesi i Bordit të Drejtorëve – Trafiku Urban në Prishtinë). I arrestuari, dyshohet se tejkalon autorizimet e tij dhe mundohet të ndikojë në vartësit e tij për pranim të një kandidateje në një konkurs punësimi”, thonë Policia.

Ndërkohë, Reporteri.net merr vesh se kandidatja për të cilën kishte ndikuar Ruhan Beha, është vetë gruaja e tij. Ai donte që ta punësonte në kompaninë që ai drejton.

Policia thotë se personin në fjalë e ka dërguar në mbajtje për 48 orë, ndërkohë që hetimet lidhur me rastin po vazhdojnë.

COMMENTS

WORDPRESS: 0
DISQUS: