A do të bjerë qeveria? Hamza: Në politikë, sabahi të çelë e akshami nuk të errë

A do të bjerë qeveria? Hamza: Në politikë, sabahi të çelë e akshami nuk të errë

Ministri i Financave, Bedri Hamza, ka thënë se pavarësisht situatës aktuale në vend, Qeveria e vendit do ta vazhdojë punën e saj.
“Nuk pres që do të ketë lëvizje dhe ndryshim të situatës shumë shpejtë, apo periudha afatshkurta, por në politikë kurrë s’i dihet. Secili në momentin që pranon postin politik duhet ta kesh të qartë që “Sabahi të çelë e akshami nuk të errë”, ka thënë ai.

“Ka mundësi që në politikë ndodhin gjëra të paparashikuara. Me aq sa kam informacion – s’ka qenë situatë e lehtë, por mendoj se ne do ta vazhdojmë punën”, ka deklaruar Hamza në Klan Kosova.

Sa i përket përballjes me greva dhe kërkesat për rritje të pagave, i pari i kuletës së shtetit, ka thënë se për të dhënë, duhet pasur.

“Gjithmonë e para për të dhënë, duhet pasur, për të pasur duhet të merren dikund. Nuk guxojmë t’i kalohen linjat e kuqe, ku rrezikohet stabiliteti makrofiskal i vendit”.

Ai ka thënë se kërkesat e kategorive që kërkojnë këtë rritje po trajtohen me kujdes, seriozitet dhe racionalitet.

COMMENTS

WORDPRESS: 0
DISQUS: 0