750 kilogramë ari në vlerë 30 milionë euro, publikohen pamjet e vjedhjes në një aeroport të Brazilit

750 kilogramë ari në vlerë 30 milionë euro, publikohen pamjet e vjedhjes në një aeroport të Brazilit

Disa persona të armatosur në Brazil kanë vjedhur 750 kilogramë ari që vlerësohet të jetë me vlerë të paktën 30 milionë dollarë.

Sipas BBC, të dyshuarit hynë në aeroportin Guarulhos në Sao Paulo veshur si oficerë policie dhe morën arin, të destinuar për në Nju Jork dhe Cyrih.

Siç bëhet e ditur tutje, duke u thirrur në raporte të policisë, dy punonjës të aeroportit janë marrë peng.

Gjithashtu disa raporte sugjeruan se të dyshuarit mund të kenë rrëmbyer familjen e një punonjësi të lartë të mërkurën, për të fituar informacionin e brendshëm rreth ngarkesës, përcjell Telegrafi

Bëhet e ditur se të dyshuarit maskuan kamionin e tyre si një automjet brazilian të policisë federale dhe u përballën me punëtorët, duke i detyruar ata të lëviznin arin në makinën e tyre.

Sipas pamjeve të sigurisë, katër burra u larguan nga makina dhe së paku njëri kishte një pushkë.

Një zëdhënës i aeroportit tha se askush nuk u lëndua në incident, por nuk komentoi mbi raportet e pengjeve.

COMMENTS

WORDPRESS: 0
DISQUS: